2008年12月5日 星期五
上次VG, 龜龜踢不到我還要被我串的關係，估不到今次又再來多一腳，還要是自己開TaG，誓要踢到我無力還手為止。
好，我就接接看，看到第一條就發現點解會咁貼身的，今次仲唔俾龜龜踢死！
1. 你是個窮光蛋嗎？
一開始就問人係咪窮光蛋，咁我答你係，因為近排無工開，但支出愈來愈大，唔想變都會慢慢變成窮光蛋啦。
2. 請形容下你這一生的財運。
清如止水．．．沒有橫財運，工作運又不順利，收入及支出好多時都係剛剛好，自己諗起都有點怕怕呢！！唔知財神爺何時會來幫我呢？？
3. 如果要用你的身家買一樣東西，你買得起什麼？
我現在的身家，就連食餐飯都開始有問題喎，仲可以買到Ｄ咩呢？？諗下都仲可以。買就唔駛諗了！
4. 在沒有提款卡情況下，你只有HK$20，你會怎麼用？
幸好我還有一張八達通，可以搭車買野食，身上得HK$20都唔係咩問題！不過就要走去有八達通的店鋪呢！！
5. 咁你平時大概會帶多少？
身上最多時曾經會有HK$100，最少時也試過只餘下HK$5．．．不過一般來說都會有HK$40左右在銀包呢！
6. 現在經濟咁，你會在那一方面減小消費？
食飯、搭車、玩樂樣樣都會減少，盡可能在家煮飯食，搭車就要諗過邊樣平才搭那樣，模型及相機配件都沒買過了！
7. 你在誰身上花得最多﹖
除了自己當然係HaPPy啦！這個還要問嗎？
8. 你是那種刷爆卡的人嗎？
雖然我有信用卡，但一路以來都無用過，張卡只係放在銀包做樣的．．．HAHA
9. 有什麼東西會讓你毫不猶豫買下來？
這個好似未試過喎，我買野前都會諗過先買喎～～～
10. 最後，講講你對錢的價值觀錢對你的重要性。
點解這條咁似以前讀書的問題呢？？錢是不可以沒有的，亦沒有人會覺得錢太多，對我來說亦希望愈多愈好，不是用來亂花費，只是為生活安定！
又係時候要諗下踢俾邊個先，朋友當然走不掉的．．．快快來接TaG吧！
Emilili、莎莉、藍秋哥哥、阿草
小J
